İqor Stefanoviç: "Yeni şəhərlərin inkişafı ilə bağlı təcrübə mübadiləsi Azərbaycan və Ukrayna üçün əhəmiyyət kəsb edir"

"Yeni şəhərlərin inkişafı sahəsində təcrübə mübadiləsi həm Azərbaycan, həm də Ukrayna üçün böyük əhəmiyyət kəsb edir".

"Report"un məlumatına görə, bunu II Azərbaycan Milli Şəhərsalma Forumunda Ukrayna İctimai Birliyinin İdarə Heyətinin sədri İqor Stefanoviç deyib.

"Biz II Azərbaycan Milli Şəhərsalma Forumuna qoşulduq və dəvətə görə Azərbaycan tərəfinə dərin minnətdarlığımızı bildirmək istərdik. Foruma şəhərsalma ilə məşğul olan beynəlxalq ekspertlər toplanmışdı. Ukraynanın bu sahədə böyük təcrübəsi var. Bu formatda keçirilən tədbir təcrübə mübadiləsində və şəhərlərin inkişafında innovativ texnologiyaların tətbiqi üçün ümumi nöqtələrin tapılmasında əsas rol oynayır. Hazırda ölkələrimiz arasında bu sahədə təcrübə mübadiləsi xüsusi aktuallıq və əhəmiyyət kəsb edir”, - İ.Stefanoviç bildirib.