Yuxarı

İsrailin Azərbaycandakı səfiri Oğuz və Qəbələnin iqtisadi potensialı ilə tanış olub

Dan Stav Oğuz və Qəbələ rayonların İH başçıları ilə də görüşüb

Bakı. 30 iyul. REPORT.AZ/ İsrailin Azərbaycandakı səfiri Dan Stav Oğuz və Qəbələ rayonlarına səfər edib.

İsrailin Azərbaycandakı səfirliyindən "Report"a verilən məlumata görə, səfər müddətində səfir hər iki rayonun icra hakimiyyəti başçıları ilə görüşüb.

Görüşlərin əsas məqsədi kənd təsərrüfatı, turizm və insanlar arası əlaqələrin gücləndirilmə imkanlarını müzakirə etmək idi. Səfir Dan Stav Oğuz rayonunda sinaqoqları ziyarət edib, yəhudi icmasının üzvləri ilə görüş zamanı müxtəlif din və etnik qrupların birgə harmoniyada yaşamalarına heyran olduğunu bildirib. Səfir bildirib ki, Qəbələnin Nic kəndinə ziyarəti zamanı multikultural dəyərlərin Azərbaycan cəmiyyətində dərin kök salmasının şahidi olub.

Səfərin daha bir əsas məqsədi hər iki regionda iqtisadi potensialla tanış olmaq idi. Belə ki, D.Stav Oğuzda qarğıdalı emalı şirkəti, Gilan qida sənayesi və Qəbələdə heyvandarlıq kompleksində olub.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi