​İlham Əliyev Mədinədə Peyğəmbər məscidini ziyarət edib

Bakı. 7 aprel. REPORT.AZ/ Azərbaycan prezidenti İlham Əliyev Səudiyyə Ərəbistanı Krallığına rəsmi səfəri çərçivəsində aprelin 7-də Mədinə şəhərində olub.

"Report" xəbər verir ki, dövlət başçısı İlham Əliyev, xanımı Mehriban Əliyeva və ailə üzvləri burada Peyğəmbər məscidini ziyarət ediblər.

Prezident İlham Əliyev, xanımı Mehriban Əliyeva və ailə üzvləri məsciddə namaz qılıblar.

İlham Əliyev və xanımı Mehriban Əliyevanın Səudiyyə Ərəbistanı Krallığına rəsmi səfəri aprelin 7-də başa çatıb.