Fransanın Nant şəhərində yaşayan azərbaycanlılara səyyar konsulluq xidməti göstəriləcək

Bu il iyunun 6-9-da Nant şəhərində Fransada yaşayan azərbaycanlılara səyyar konsulluq xidməti göstəriləcək.

Bu barədə "Report"un yerli bürosuna Azərbaycanın Fransadakı səfirliyindən məlumat verilib.

Eyni zamanda bu il Fransanın Strasburq, Bordo, Tuluza və Nitsa şəhərlərində yaşayan azərbaycanlılara da səyyar konsulluq xidmətlərin göstərilməsi nəzərdə tutulur.

Qeyd edək ki, bu ilin mayında Fransanın Lion şəhərində yaşayan azərbaycanlılara səyyar konsulluq xidməti göstərib.