Fransanın dövlət katibi Jan Mari Le Quen Azərbaycana gəlib

Bakı. 10 yanvar. REPORT.AZ/ Fransanın inkişaf və frankofoniya üzrə dövlət katibi Jan Mari Le Quen Azərbaycanda səfərdədir. 

Bu barədə "Report" Fransa Xarici İşlər Nazirliyinin mətbuat xidmətinə istinadən xəbər verir.

O, səfər çərçivəsində yanvarın 10-11-də Azərbaycan rəsmiləri ilə bir sıra görüşlər keçirəcək. Jan Mari Le Quenin Azərbaycan Prezidenti İlham Əliyev ilə görüşü də planlaşdırılır.

Həmçinin, Fransanın dövlət katibi 2016-cı ilin sentyabrında açılmış Fransa-Azərbaycan Universitetinə (UFAZ) baş çəkəcək.