Franklin Meyers: Müstəmləkə siyasəti Sen-Martenin sakinlərinin həyatına mənfi təsir göstərir

Bakı Təşəbbüs Qrupu (BTQ) Sen-Martenə öz məqsədinə çatmaqda və müstəqillik əldə etməkdə kömək edə bilər.

Bu barədə "Report"a müsahibəsində Bakıda keçirilən "Sen-Martendə Fransa və Niderland müstəmləkəçiliyi - bir ada, bir xalq, bir tale" konfransında iştirak edən Sen-Marten parlamentinin üzvü Franklin Meyers bildirib.

"Sen-Martenin indi Azərbaycanda dostları var. Bakı Təşəbbüs Qrupu dünya ictimaiyyətinə reallıqlarımızı çatdırmaqda bizə kömək edə bilər", - o vurğulayıb.

F.Meyers qeyd edib ki, Niderlandın müstəmləkə siyasəti yerli əhalinin həyatına son dərəcə mənfi təsir göstərir, onların siyasi azadlığını məhdudlaşdırır.

"Muxtariyyətdən nə qədər danışsalar da, reallıq budur ki, biz Niderland Krallığının bir hissəsiyik", - deyə o qeyd edib.