Fransa Sen-Marten adasının inkişafında maraqlı deyil

Fransa Sen-Marten adasının inkişafı və çiçəklənməsində maraqlı deyil.

Bu barədə “Report”un sualını cavablandıran "Bir ada, bir xalq, bir tale" təşkilatının üzvü Yadiska Van Rişel (Yadiska Van Richele) bildirib.

"Biz adanın gənclərinin təhsil almaq və iş tapmaq üçün Fransaya getməsi haqqında çox hekayələr eşidə bilərik. Çünki metropoliya burada iş yerləri yaratmadığı üçün onların evdə öz yerlərini tapacaqlarına heç bir zəmanət yoxdur", - o qeyd edib.

Y.Rişel vurğulayıb ki, Bakı Təşəbbüs Qrupundan dəstək alaraq, onun təmsil etdiyi təşkilatın fəaliyyəti barədə dünya birliyi məlumat əldə edə bilər: "O zaman beynəlxalq ictimaiyyət adanın müstəqillik əldə etməsində kömək edə bilər".