Alman deputat: "Ermənistan Dağlıq Qarabağ bölgəsini beynəlxalq hüquqa zidd olaraq işğal altında saxlayır"

Bakı. 4 iyun. REPORT.AZ/ Almaniya Bundestaqının deputatı Mark Hauptman parlamentin iyunun 2-də qəbul etdiyi qətnamə layihəsi ilə bağlı bəyanat verib.

"Report"un məlumatına görə, bəyanatda bildirilir ki, Ermənistan beynəlxalq hüquqa hörmət etməli və qonşuları ilə sülh münasibətlərinə çalışmalıdır: “Amma təəssüf ki, biz bunun tam əksini görürük. 1993-cü ildən bəri Ermənistan Azərbaycanla müharibə vəziyyətindədir və Dağlıq Qarabağ bölgəsini beynəlxalq hüquqa zidd olaraq işğal altında saxlayır. BMT Təhlükəsizlik Şurası dörd dəfə yekdilliklə qətnamə qəbul edib ki, bu bölgə Azərbaycana geri qaytarılmalıdır. Ermənistan bu qətnamələrə indiyədək hörmətsiz yanaşır”.