Bu gün Parisdə YUNESKO-nun yeni baş direktoru vəzifəsinə seçki keçiriləcək

Bu gün Parisdə YUNESKO-nun yeni baş direktoru vəzifəsinə seçki keçiriləcək Namizədlərdən biri Azərbaycanın Rusiyadakı səfiri Polad Bülbüloğludur
Xarici siyasət
137
9 Oktyabr , 2017 09:27
Bu gün Parisdə YUNESKO-nun yeni baş direktoru vəzifəsinə seçki keçiriləcək
DPA/ Yoan Valat

Bakı. 9 oktyabr. REPORT.AZ/ Bu gün Parisdə YUNESKO-nun İcraiyyə Şurasının (İŞ) 202-ci sessiyası çərçivəsində təşkilatın yeni baş direktoru vəzifəsinə səsvermə keçiriləcək.

"Report" xəbər verir ki, gizli səsvermənin ilk turu bu gün keçiriləcək. Namizədlər arasında Azərbaycanın Rusiyadakı səfiri Polad Bülbüloğlu da var.

Namizədlərdən heç biri İŞ-nin tələb olunan ən azı 58 üzvünün səsini qazana bilməsə, səsvermə həftə ərzində növbəti dörd mərhələ ilə davam edəcək.

Qalibin oktyabrın 13-dən gec olmayaraq açıqlanacağı gözlənilir.

İŞ tərəfindən təyin olunan namizədin təsdiq edilməsi noyabrın 10-da keçiriləcək. Yeni baş direktorun səlahiyyətlərinin icrasına noyabrın 15-dən başlayacağı gözlənilir. O, iki dördillik müddətdə YUNESKO-ya rəhbərlik etmiş bolqarıstanlı İrina Bokovanı əvəzləyəcək. 

Son xəbərlər

Orphus sistemi