Yuxarı

Bakıda keçiriləcək BMT Sivilizasiyalar Alyansının VII Qlobal Forumu çərçivəsində Gənclər Konfransının iştirakçıları seçilib

Tədbirdə iştirak etmək üçün 160 ölkədən 6000 ərizə təqdim edilmişdi

Bakı. 18 fevral. REPORT.AZ/ Aprelin 25-27-də Bakıda keçiriləcək BMT Sivilizasiyalar Alyansının VII Qlobal Forumu (UNAOC) çərçivəsində Gənclər Konfransının 150 iştirakçısının seçimi başa çatıb.

"Report" UNAOC-un mətbuat xidmətinə istinadən xəbər verir ki, tədbirdə iştirak etmək üçün 160 ölkədən 6000 ərizə təqdim edilmişdi. Onların arasından müxtəlif mədəniyyətlərin və dinlərin nümayəndələri olan 150 gənc seçilib.

Konfrans zamanı onlar ictimai həyatın müxtəlif sahələrində, o cümlədən turizm və səyahət, potensial tərəfdaşlar və öz sahəsinin mütəxəssisləri ilə birgə işləməklə bir-birindən öyrənməkdə əməkdaşlıq təcrübəsini bölüşmək imkanı əldə edəcək.

Qeyd edək ki, UNAOC inkişaf və təhlükəsizlik, iqtisadiyyat, maliyyə, ekologiya məsələlərində ölkələr, mədəniyyətlər və dinlər arasında geniş konsensus əldə etmək üçün 2005-ci ildə BMT baş katibinin təşəbbüsü ilə yaradılıb. UNAOC-un missiyası kross-mədəni qarşılıqlı anlaşma və əməkdaşlıqdır.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi