Bakı. 1 mart. REPORT.AZ/ Bakıda İsveçrənin regiondakı diplomatik nümayəndəliklərinin rəhbərlərinin görüşü keçiriləcək.
"Report" xəbər verir ki, bu barədə İsveçrənin Azərbaycandakı səfiri Filipp Ştalder mətbuat konfransında jurnalistlərə bildirib.
Diplomat qeyd edib ki, görüşdə İsveçrənin Ermənistan, Gürcüstan, Belarus və bir sıra digər ölkələrdəki səfirləri iştirak edəcəklər.
"Bu həm bizim, həm də turizm potensialını nümayiş etdirmək baxımından Azərbaycan üçün çox yaxşı fürsətdir. Azərbaycanla uzunmüddətli və fəal əməkdaşlıq əlaqələrimiz var. Azərbaycanı bundan sonra da hər şeydə dəstəkləməyə hazırıq", - F.Ştalder deyib.