Nazir: "Ermənistanın XİN başçısı ilə yeni telefon danışığımız istisna deyil"

"Ermənistan xarici işlər naziri Ararat Mirzoyanla telefon danışığı əldə olunmuş razılıqların icrasını təmin etməklə bağlı idi".

"Report" xəbər verir ki, bunu xarici işlər naziri Ceyhun Bayramov jurnalistlərə açıqlamasında deyib.

Onun sözlərinə görə, yeni telefon danışığının tarixi təyin edilməyib: "Lakin telefon danışığı istisna edilmir".

C.Bayramov söyləyib ki, Azərbaycan postmünaqişə dövründə Ermənistanla münasibətləri normallaşdırmaq üçün addımlar atıb: "Azərbaycan bunun üçün sistemli addımlar atır. Ermənistandan konkret addımlar gözləyirik".

Qeyd edək ki, C.Bayramovla A.Mirzoyan arasında sonuncu telefon danışığı aprelin 25-də olub.