Azərbaycan səfiri Bolqarıstan parlamentinin sədri ilə görüşüb

Bakı. 24 noyabr. REPORT.AZ/ Azərbaycanın Bolqarıstandakı səfiri Emil Kərimov Bolqarıstan Milli Şurasının sədri Tsetskoy Tsaçeva ilə görüşüb.

Bu barədə "Report"a Azərbaycanın Bolqarıstandakı səfirliyindən bildirilib.

Görüş zamanı səfir E.Kərimov Bolqarıstan parlamentinin sədri vəzifəsinə təkrar seçilməsi münasibətilə Milli Məclisin spikeri Oqtay Əsədovun təbriklərini T.Tsaçevaya çatdırıb.

Görüşdə ikitərəfli əlaqələrin inkişaf perspektivləri müzakirə olunub, parlamentlərarası münasibətlərin səviyyəsindən məmnunluq ifadə olunub.