Yuxarı
    Bağlamaq

    Azay Quliyev: “Azərbaycan Fransaya nota verməlidir”

    Oqtay Əsədov:  “Fransa prezidentinin fikirləri təhrif olunub”

    Bakı. 10 fevral. REPORT.AZ/ “Fransa prezidenti Fransua Ollandın erməni diaspora ilə görüşündə səsləndirdiyi “Xalqlar öz müqəddəratını həll etməlidir” ifadəsi ermənilərin işğalçılıq siyasətinə xidmət edir”.

    “Report”un xəbərinə görə, bunu Milli Məclisin bu gün keçirilən plenar iclasında deputat Azay Quliyev deyib.

    O bildirib ki, bununla bağlı Azərbaycan Fransaya nota verməlidir: “Bu cür hallar dəfələrlə olub. Fransanın münaqişə ilə bağlı sərgilədiyi mövqe həmişə erməniləri dəstəkləmək olub. Bu gün separatçı rejimlə ən çox əlaqə quran Fransadır. Buna görə Fransaya etiraz notası göndərilməlidir. Onun daşıdığı mandata uyğun olmadığı qeyd olunmalıdır. Bizim XİN bu məsələyə adekvat cavab verməlidir. Azərbaycan olaraq Fransaya öz etirazımızı bildirməliyik”.

    Milli Məclisin sədri Oqtay Əsədov isə deyib ki, Fransa prezidentinin fikirləri təhrif olunub: “Fransa Prezidentinin çıxışı tam yazılmayıb. Onun dedikləri erməni mətbuatından götürülüb, bu da təhrifdən ibarətdir. Səməd Seyidova göstəriş verdim, bununla bağlı araşdırma apardı, çıxışın tam yazılmaması məlum oldu”.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi