Avstriyanın ailə və gənclər naziri Azərbaycana səfər edəcək

Bakı. 7 iyul. REPORT.AZ/ Avstriyanın ailə və gənclər naziri Sofi Karmasin Azərbaycana səfər edəcək.

Avstriyanın Azərbaycandakı səfiri Aksel Vexin "Report"a verdiyi məlumata görə, səfər gələn həftənin əvvəlində baş tutacaq.

O, səfərin Azərbaycanın Ailə, Qadın və Uşaq Problemləri üzrə Dövlət Komitəsinin sədri Hicran Hüseynovanın Vyanada olmasının cavabı olduğunu bildirib.

Səfir əlavə edib ki, səfər zamanı bu sahədə əməkdaşlığın möhkəmləndirilməsi üzrə müzakirələr aparılacaq.