Yuxarı

​Avstraliya İttifaqının general-qubernatoru Azərbaycan Prezidentinə təbrik məktubu göndərib

“Azərbaycana Avropa Oyunlarına ev sahibliyi işində uğurlar, qarşıdan gələn demokratik parlament seçkilərində uğurlar arzu edirəm”

Bakı. 19 may. REPORT.AZ/ Avstraliya İttifaqının general-qubernatoru Piter Kosqroyv Azərbaycan Respublikasının Prezidenti İlham Əliyevə təbrik məktubu göndərib. “Report”un xəbərinə görə, təbrik mətnində deyilir:

“28 May - Respublika Günü münasibətilə Avstraliya hökumətinin və xalqının adından, şəxsən öz adımdan ən xoş arzularımı Azərbaycan hökumətinə və xalqına çatdırmaq istərdim.

Avstraliya ilə Azərbaycan arasında ticarət və sərmayə sahələrində artan imkanlarla bərabər, sıx ikitərəfli əlaqələr mövcuddur. Mayın əvvəlində Bakıda keçirilən Asiya İnkişaf Bankı Rəhbərlər Şurasının toplantısı ilə əlaqədar Avstraliya parlamentinin üzvü, maliyyə nazirinin parlament üzrə katibi Maykl Makkormakın Azərbaycana səfəri ölkələrimiz arasında ticarət əlaqələrinin daha da inkişaf etdirilməsi üçün bir addım idi.

Bu ilin iyun ayında Bakıda keçiriləcək birinci Avropa Oyunlarına hazırlıq və tikinti işlərinə Avstraliya şirkətlərinin cəlb edilməsindən olduqca məmnunuq. Azərbaycana Avropa Oyunlarına ev sahibliyi işində uğurlar, həmçinin qarşıdan gələn demokratik parlament seçkilərində uğurlar arzu edirəm.

Zati aliləri, icazə verin ölkələrimiz arasındakı dostluq münasibətlərinin növbəti illərdə də inkişaf edəcəyinə inamımı ifadə edim”.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi