Bakı. 5 iyul. REPORT.AZ/ ATƏT-in Parlament Assambleyası (PA) Tbilisi bəyannaməsinin layihəsini qəbul edib.
"Report" xəbər verir ki, sənədin lehinə 122, əleyhinə 6 nəfər səs verib, 7 nəfər isə bitərəf qalıb.
Qeyd edək ki, 57 ölkədən olan 700-dən çox nümayəndə Gürcüstan paytaxtı Tbilisidə keçirilən ATƏT-in Parlament Assambleyasının illik sessiyasında iyulun 1-dən 5-dək qlobal miqrasiya, iqtisadi əməkdaşlıq, təhlükəsizlik məsələləri və insan hüquqları sahəsindəki problemlər üzrə müzakirələr aparıb. Sessiya Gürcüstanda ilk dəfə keçirilib.