AŞPA-nın yeni həmməruzəçisi: "Azərbaycana səfər etməyi planlaşdırırıq"

Strasburq. 28 iyun. REPORT.AZ/ "Avropa Şurası Parlament Assambleyası (AŞPA) Monitorinq Komitəsinin Azərbaycan üzrə həmməruzəçilərinin Bakıya səfərinin tarixinin dəqiqləşdirilməsi üçün Azərbaycan dövlətinə rəsmi müraciət ünvanlanacaq".

Bunu "Report"un Qərbi Avropa bürosuna açıqlamasında AŞPA Monitorinq Komitəsinin bu gün keçirilən iclasında Azərbaycan üzrə həmməruzəçi seçilən Rocer Geyl deyib. 

O qeyd edib ki, rəsmi müraciətdə həmməruzəçilərin bundan sonra hansı formada fəaliyyət göstərəcəkləri barədə Azərbaycan hökumətinə məlumat veriləcək.