Yuxarı

Appaturay: "Azərbaycan NATO üzvlüyünə maraq göstərmir"

NATO baş katibinin xüsusi nümayəndəsi ADA Universitetində məruzə ilə çıxış edib

Bakı. 16 fevral. REPORT.AZ/ "Ərazi mübahisələri NATO-nun imkanlarını məhdudlaşdırır".

"Report" xəbər verir ki, bu sözləri NATO baş katibinin Cənubi Qafqaz və Mərkəzi Asiyadakı xüsusi nümayəndəsi Ceyms Appaturay "ADA" Universitetində məruzə ilə çıxış edərkən deyib.

Azərbaycanın alyansa üzvlüyünün mümkünlüyü barədə danışan C.Appaturay bildirib ki, Azərbaycan NATO üzvlüyünə maraq göstərmir.

Dağlıq Qarabağ münaqişəsi mövzusuna toxunan baş katibin xüsusi nümayəndəsi NATO-nun bu münaqişənin həllində iştirak etmədiyini bildirib. O qeyd edib ki, NATO dəfələrlə münaqişə ilə bağlı öz mövqeyini ifadə edib: "Münaqişənin həlli yollarının mümkün qədər tez tapılacağına ümid edirik".

C.Appaturay həmçinin Azərbaycanın Şimali Atlantika Alyansının etibarlı tərəfdaşı olduğunu da əlavə edib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi