Azərbaycan İsveçlə minatəmizləmə fəaliyyəti ilə bağlı mümkün əməkdaşlıq imkanlarını müzakirə edib

Azərbaycan Respublikası Minatəmizləmə Agentliyinin (ANAMA) İdarə Heyəti sədrinin müavini Samir Poladov İsveç Krallığının ölkəmizdəki fövqəladə və səlahiyyətli səfiri Tobias Lorentzson ilə görüş keçirib.

Bu barədə "Report"a ANAMA-dan bildirilib

Qeyd edilib ki, Samir Poladov işğaldan azad edilmiş ərazilərdə təhlükəsiz bərpa və yenidənqurma işləri, dayanıqlı məskunlaşma məqsədilə aparılan genişmiqyaslı minatəmizləmə əməliyyatlarının gedişatı barədə qarşı tərəfə məlumat verib.

Görüş əsnasında Azərbaycanda icra edilən humanitar minatəmizləmə fəaliyyətində İsveç Krallığı ilə mümkün əməkdaşlıq imkanlarına dair qarşılıqlı fikir mübadiləsi aparılıb.