"Yuxarı Baş" və “Basqal” qoruqlarına 1,5 milyon manat xərc qoyulacaq

Dövlət Turizm Agentliyi Şəki şəhərindəki "Yuxarı Baş" Milli Tarix-Memarlıq Qoruğunun ərazisində tikinti və yenidənqurma işlərinin (1), İsmayıllı rayonundakı “Basqal” Dövlət Tarix-Mədəniyyət Qoruğunun ərazisində isə abadlaşdırma işlərinin (2) aparılması ilə bağlı elan etdiyi 2 açıq tenderə yekun vurub.

"Report" dövlət satınalmalarının vahid internet portalına istinadən xəbər verir ki, hər 2 tenderin qalibi "İsmayıllı Tikinti-27" ASC-dir.

Qalib şirkətə müvafiq olaraq 1,21 milyon manat və 257 min manat, ümumilikdə isə 1,467 milyon manat ödəniləcək.