Sankt-Peterburq Azərbaycandan daha çox turist cəlb etmək niyyətindədir

"Sankt-Peterburq Azərbaycandan daha çox turist cəlb etməkdə maraqlıdır".

"Report" xəbər verir ki, bunu Sankt-Peterburqun Şəhər Turizm İnformasiya Bürosunun direktoru Yuri Boqdanov Bakıda keçirilən "Sankt-Peterburqa xoş gəlmisiniz!" adlı roud-şousunda deyib.

Onun sözlərinə görə, Sankt-Peterburqla Bakı arasında çoxillik əlaqələr mövcuddur və bu şəhərə azərbaycanlı turistlərin axını artır.

“Sankt-Peterburqdan gələn turistlər Bakını çox sevirlər”, - Boqdanov bildirib və Azərbaycan paytaxtının ilbəil gözəlləşdiyini vurğulayıb.

O bildirib ki, şəhər rəhbərliyi Sankt-Peterburqa gələn turistlərin sayını artırmaq üçün müxtəlif addımlar atır.

Rusiyanın Azərbaycandakı ticarət nümayəndəsi Ruslan Mirsayapovun sözlərinə görə, Azərbaycan ən çox turistin gəldiyi turizm istiqamətləri arasında 14-cü yerdədir.

“Rusiya hökuməti ölkədə turizmin inkişafına böyük diqqət ayırır və Sankt-Peterburq şəhəri turistləri cəlb etmək baxımından maqnit rolunu oynayır”, - o vurğulayıb.