Rüfət Hacıyev: “Bu il Rusiyaya səfər edən Azərbaycan vətəndaşlarının sayı 300 minə qədər arta bilər”

“İlin sonuna kimi Rusiyaya səfər edən Azərbaycan vətəndaşlarının sayı 300 minə qədər arta bilər”.

“Report” xəbər verir ki, bunu Azərbaycan Turizm Bürosunun Baş icraçı direktorunun Turizm sənayesinin inkişafı üzrə müşaviri Rüfət Hacıyev Bakıda keçirilən “Sankt-Peterburqa xoş gəlmisiniz!” adlı roud-şousunda bildirib.

Onun sözlərinə görə, 2022-ci il avqustun sonuna qədər Rusiyaya səfər edən azərbaycanlıların sayı 200 min nəfər təşkil edib.

R.Hacıyev məlumat verib ki, 2017-2020-ci illər ərzində Rusiyaya səfər edən azərbaycanlı turistlərin sayı ildə 900-920 min nəfər olub.

O, 2020-ci ildə pandemiya üzündən bu rəqəmin 230 minə qədər azaldığını əlavə edib.