Əbülfəs Qarayev: "Bu il Azərbaycana 211 min turist gəlib"

Bakı. 8 iyun. REPORT.AZ/ "Ötən ilin mayında Azərbaycana 174 min turist gəlibsə, bu il rəqəm 211 min olub".

"Report" xəbər verir ki, bunu jurnalistlərə açıqlamasında Mədəniyyət və turizm naziri Əbülfəs Qarayev deyib.

Onun sözlərinə görə, ümumi 5 ay ərzində keçən il 768, bu il 956 min turist gəlib: "Bu, 200 mindən çox turist artımı deməkdir. Viza rejiminin sadələşdirilməsi bu artıma xüsusi təsir göstərib".