Azərbaycan Turizm Bürosu: "Digər ölkələr bu təcrübədən bəhrələnmək üçün bizə müraciət edir"

"Hotellərə ulduzların verilməsi təsnifatı Avropa tərəfindən təsdiqlənən standartlar üzərində qurulub".

"Report" xəbər verir ki, bunu jurnalistlərə açıqlamasında Azərbaycan Turizm Bürosunun baş icraçı direktoru Florian Zenqstşmid deyib.

F.Zenqstşmidin sözlərinə görə, hotellərə ulduz sertifikatlarının təqdimetmə prosesi Gürcüstan və Türkiyədə də həyata keçirilir.

"İnanırıq ki, həmin standartlar maksimum dərəcədə dürüst və ədalətlidir. Proses çox açıq şəkildə təşkil olunub. Təəssüflər olsun ki, bütün hotellər birinci mərhələdən keçə bilmədi. Lakin sonrakı mərhələdə biz onların da ulduz almaları üçün lazımi dəstəyi göstərəcəyik.

Onu da qeyd edim ki, bu sistem yerlidir. Biz onu heç bir ölkədən götürməmişik. Hətta digər ölkələr bu təcrübədən bəhrələnmək üçün bizə müraciət edir", - deyə F.Zenqstşmid əlavə edib.