Kiyevdə "Eurovision-2017" müsabiqəsinin açılışı olub

Bakı. 8 may. REPORT.AZ/ Kiyevdə "Eurovision" beynəlxalq mahnı müsabiqəsinin 62-ci mövsümünün açılış mərasimi keçirilib.

"Report" xəbər verir ki, açılış mərasimi çərçivəsində 42 ölkənin nümayəndələri Konstitusiya Meydanında və Mariinski Sarayının yaxınlığındakı xiyabanda yerləşən və rekord uzunluğa (265 metr) malik qırmızı xalça üzərindən keçib.

Nümayəndə heyətlərinin rəsmi keçidi təxminən 3 saat davam edib. Fanatları salamladıqdan və mətbuatla ünsiyyətdən sonra musiqiçilər "Parkovı" Konqres-Sərgi Mərkəzinə gediblər.

Xatırladaq ki, müsabiqənin yarımfinalları mayın 9-da və 11-də, final isə mayın 13-də keçiriləcək.