"Oskar" mükafatına rekord sayda xarici film namizəddir

"Oskar" mükafatına rekord sayda xarici film namizəddir Ümumilikdə 85 müraciət olunub
Şou-biznes
104
12 Oktyabr , 2016 14:19
Oskar mükafatına rekord sayda xarici film namizəddir

Bakı. 12 oktyabr. REPORT.AZ/ "Oskar" mükafatına "Xarici dildə ən yaxşı film" nominasiyası üzrə rekord sayda film təqdim edilib.

"Report" "Qazeta.ru"ya istinadən xəbər verir ki, ümumilikdə 85 müraciət daxil edilib və bununla da 83 müraciətin olduğu əvvəlki ilin (2014) rekordu qırılıb.

Yəmən ilk dəfə "Oskar" mükafatına namizəd olub. Eyni zamanda, Albaniya, Argentina, Belçika, Boliviya, Çexiya, Misir, Gürcüstan, Qazaxıstan, Qırğızıstan, Litva, Lüksemburq, Serbiya, Cənubi Afrika, Venesuela və digər ölkələrin filmləri Xarici dildə ən yaxşı film" nominasiyasına təqdim olunanlar arasındadır.

Doqquz filmin daxil olacağı "şort-list" bu il dekabr ayının sonlarında açıqlanacaq. "Oskar"a beş namizəd isə gələn il yanvarın 24-də elan olunacaq.

"Oskar"ın təqdimat mərasimi 2017-ci il fevralın 26-da keçiriləcək.

Son xəbərlər

Orphus sistemi