"Eurovision" üçün biletlərin ilk partiyası cəmi 40 dəqiqəyə satılıb

Bakı. 15 fevral. REPORT.AZ/ "Eurovision" mahnı müsabiqəsi üçün biletlərin ilk partiyası cəmi 40 dəqiqə ərzində satılıb.

"Report" TASS-a istinadən xəbər verir ki, bu barədə Ukraynanın Milli İctimai Teleradio şirkətinin (MİTRŞ) mətbuat xidmətindən məlumat verilib.

Bildirilib ki, final şousu üçün bilet satışı fevralın 14-də başlayıb. İlk partiyaya təqribən 1,9 min bilet daxil edilib. Alıcıların əksəriyyəti Avropa İttifaqı ölkələrindən olub.

Bundan əlavə, fevralın 14-də həmçinin "Eurovision" müsabiqəsinin final məşqi üçün də bilüt satışı başlayıb. Bu şouya 2,6 mindən çox bilet satılıb.

Eyni zamanda, digər yeddi şou (məşq) üçün biletlər də satışa çıxarılıb. Hər məşq üçün 2 min bilet ayrılıb.