Zəka Mirzəyev: Pensiya sistemini təkmilləşdirməyi hədəfləmişik

Azərbaycanda gələcəkdə pensiya sisteminin təkmilləşdirilməsi planlanlaşdırılır. 

"Report" xəbər verir ki, bunu Beynəlxalq Pensiya ve Sosial Fondlar Assosiasiyasının sədri Zəka Mirzəyev mayın 29-da Bakıda "Müasir dünyanın çağırışları kontekstində sosial müdafiə sistemlərinin uyğunlaşdırılması" mövzusunda keçirilən beynəlxalq konfransda deyib.

Onun sözlərinə görə, 2023-cü ildən etibarən Beynəlxalq Pensiya ve Sosial Fondlar Assosiasiyasının strukturu dəyişilib:

"Bu gün təkcə texniki məsələlər deyil, əhalinin pensiya cəhətdən dayanıqlılığı da müzakirə edilir. Əsas məqsədimiz vətəndaşların rifahı üçün addımlar atmaqdır. Assosiasiya yarandığı gündən bu sahədə bir sıra addımlar atılıb. Gələcək üçün də bir sıra hədəflər var".