“YAŞAT” Fondu şəhid ailələri və qazilərin 125 min manat borcunu ödəyib

"Bu günə qədər “YAŞAT” Fondu istehlak kreditləri və digər borc öhdəliklərinin qarşılanması istiqaməti üzrə şəhid ailə üzvlərinin 832, itkin ailə üzvlərinin 3 və yaralıların 1 166 müraciəti olmaqla ümumilikdə 2 001 müraciəti təmin edib.

"Report" xəbər verir ki, bunu “YAŞAT” Fondunun rəhbəri, Qarabağ qazisi Elvin Hüseynov deyib.

Onun sözlərinə görə, Fondun təşəbbüsü ilə borc öhdəliyinin qarşılanması üzrə müəssisələr 125 926.74 manat vəsaiti qarşılayıb.