Yuxarı
    Bağlamaq

    Nazir: "Azərbaycanda 2,3 milyona yaxın insan sosial müdafiə sistemi ilə əhatə olunub"

    © Report — Əmək və əhalinin sosial müdafiəsi naziri Səlim Müslümov

    Bakı. 23 dekabr. REPORT.AZ/ "Azərbaycanda 2,3 milyona yaxın insan sosial müdafiə sistemi ilə əhatə olunub".

    "Report"un məlumatına görə, bu barədə əmək və əhalinin sosial müdafiəsi naziri Səlim Müslümovun "Azərbaycan" qəzetində dərc olunan məqaləsində qeyd olunub.

    Nazir bildirib ki, Dünya Bankının Azərbaycanın sosial müdafiə sistemi ilə bağlı apardığı araşdırmalar nəticəsində bu sistemin ölkə əhalisinin yoxsul sayıla biləcək hissəsinin 90,1 faizini əhatə etdiyi və yoxsulluğun azaldılmasında mühüm rol oynadığı müəyyən olunub: "2017-ci ilin 9 ayında bu sistem vasitəsilə 1 milyon 330 min nəfər əmək pensiyası, 451 min nəfər aylıq və birdəfəlik sosial müavinət, 59,3 min nəfər Azərbaycan Respublikası Prezidentinin təqaüdü, 97 min ailənin 400 min nəfər üzvü ünvanlı dövlət sosial yardımı, 16,3 min nəfərdən çox şəxs sosial xidmətlərlə təmin edilib. Göründüyü kimi, 2,3 milyona yaxın insan sosial müdafiə sistemi ilə əhatə olunub. Əmək və Əhalinin Sosial Müdafiəsi Nazirliyi yanında Dövlət Sosial Müdafiə Fondu vasitəsilə hər ay bu istiqamətlər üzrə 326 milyon manatdan çox vəsait yönəldilir".

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi