Milli Məclisdə özünüməşğulluqla bağlı dinləmələrin keçirilməsi təklif edilib

Milli Məclisdə özünüməşğulluqla bağlı dinləmələrin keçirilməsi təklif edilib.

"Report" xəbər verir ki, bu təkliflə Milli Məclisin Əmək və sosial siyasət komitəsinin bu gün keçirilən iclasında deputat Sevinc Hüseynova deyib.

O, iclasda turizm və digər məsələlərlə bağlı dinləmələrin keçirilməsinin təklif edildiyini xatırladıb: "Əlbəttə, turizm həm post-münaqişə, həm də post-pandemiya dövründə əmək tutumlu sahədir və bu istiqamətdə dinləmələrin keçirilməsi çox vacibdir. Lakin məşğulluqla bağlı dinləmələrin keçirilməsi də vacibdir və bu məsələnin nəzərə alınmasını xahiş edirəm. Özünüməşğulluq proqramı ilə bağlı müəyyən məsələlər var ki, onlarla bağlı müzakirələrin keçirilməsi vacibdir".

Qeyd edək ki, komitənin bu gün keçirilən iclasında əməyin mühafizəsi, turizmlə bağlı dinləmələrin keçirilməsi təklif edilib.