Yuxarı
    Bağlamaq

    ​Fərdi uçot sistemində qeydiyyata alınan əcnəbilərin sayı artıb

    104 ölkənin vətəndaşlarını əhatə edən əcnəbilər arasında ən yüksək say göstəricisi Тürkiyə vətəndaşları üzrə müşahidə olunur

    Bakı. 13 may. REPORT.AZ/ Bu ilin mayın 1-nə olan statistikaya əsasən, Dövlət Sosial Müdafiə Fondunun fərdi uçot sistemində qeydiyyata alınan əcnəbilərin sayı 5 faiz artıb. Bu barədə "Report"a DSMF-nin İctimaiyyətlə əlaqələr sektorundan məlumat verilib.

    Məlumatda qeyd olunub ki, aprel ayında əlavə olaraq 562 nəfər əcnəbi vətəndaş qeydiyyata alınıb və nəticədə fərdi uçot sistemindəki əcnəbilərin sayı 23 652 nəfərə yüksəlib. Dövlət sosial sığorta sistemində fərdi şəxsi hesabı olan əcnəbilərin 88,82 faizini (21 009 nəfər) kişilər, 11,18 faizini (2 643 nəfər) isə qadınlar təşkil edir.

    Ümumilikdə 104 ölkənin vətəndaşlarını əhatə edən əcnəbilər arasında ən yüksək say göstəricisi Тürkiyə vətəndaşları (12 483 nəfər) üzrə müşahidə olunur. Fərdi uçot sistemində qeydiyyata alınan əcnəbilərin sayına görə ikinci yerdə gələn Gürcüstan vətəndaşlarının sayı 2 654 nəfərə, üçüncü sırada olan Rusiya vətəndaşlarının sayı isə 1 384 nəfərə çatıb.

    Sonrakı yerlərdə İran (908), Çin (789), Hindistan (667), Pakistan (478), Böyük Britaniya və Şimali İrlandiya Krallığı (393), Ukrayna (292), Özbəkistan (248), Banqladeş (212), Almaniya  (204), Filippin  (202), Türkmənistan (194), ABŞ (187), Qazaxıstan (174), İtaliya (162), Koreya (149) və s. ölkələr qərarlaşıb.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi