Dövlət Əmək Müfəttişliyi Xidməti işəgötürənlərə müraciət edib

Dövlət Əmək Müfəttişliyi Xidməti işəgötürənlərə müraciət edib Bakı. 21 fevral. REPORT.AZ/ Prezident İlham Əliyevin 2019-cu il 8 fevral tarixli Sərəncamına əsasən, minimum əməkhaqqının 180 manata çatdırılması ilə əlaqədar Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlərə müraciət edib.
Sosial müdafiə
543
21 Fevral , 2019 14:17
Dövlət Əmək Müfəttişliyi Xidməti işəgötürənlərə müraciət edib
Report

Bakı. 21 fevral. REPORT.AZ/ Prezident İlham Əliyevin 2019-cu il 8 fevral tarixli Sərəncamına əsasən, minimum əməkhaqqının 180 manata çatdırılması ilə əlaqədar Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidməti işəgötürənlərə müraciət edib.

Nazirlikdən "Report"a verilən məlumata görə, xidmət işəgötürənlərin nəzərinə çatdırır ki, onlar minimum əməkhaqqından aşağı maaş alan işçilərin əməkhaqqını 180 manata çatdırmalı, bununla bağlı əmək müqavilələrinə dəyişiklik edərək, martın 1-dək əmək müqaviləsi bildirişi üzrə elektron informasiya sisteminə daxil olunmalıdır.

On doqquz (19) dərəcədən ibarət Vahid Tarif Cədvəli üzrə əmək haqları ödənilən işçilərdən maaşı minimum əmək haqqından aşağı olan işçilərin də əməkhaqlarında işəgötürənlər tərəfindən artım edilməli, bununla bağlı müvafiq tədbirlər görülməlidir.

Müəyyən edilmiş vaxtadək məlumatları sistemə daxil etməyən işəgötürənlər üçün inzibati məsuliyyət yaranacaq. İnzibati Xətalar Məcəlləsinə əsasən işçiyə minimum əməkhaqqından aşağı məbləğdə əməkhaqqı verilməsinə görə cərimə nəzərdə tutulur.

Son xəbərlər

Orphus sistemi