Dənizkənarı Bulvar İdarəsi uşaqlar üçün ödənişsiz aksiya keçirib

Dənizkənarı Bulvar İdarəsi 1 İyun - Uşaqların Beynəlxalq Müdafiəsi Günü münasibətilə ödənişsiz aksiya keçirib.

Bu barədə "Report"a İdarədən məlumat verilib.

Bildirilib ki, Dənizkənarı Bulvar İdarəsi uşaqlara 5 atraksiondan ödənişsiz istifadə üçün şərait yaradıb. Bu dəfə uşaqlar avtodrom, uşaq pavilyonu, batut, "Karnaval-1" və "Karnaval-2"də əyləncəli anlar yaşayıblar.

Qeyd edək ki, Dənizkənarı Bulvar İdarəsi bu ənənəni artıq uzun illərdir həyata keçirir.