Yuxarı

Nazirlik bu ilin ilk rübündə 60 minə yaxın vətəndaşın müraciətini cavablandırıb

Bu ilin ilk rübündə ƏƏSMN-də 60 minə yaxın vətəndaş müraciəti cavablan
© Report

Bu ilin birinci rübü ərzində Əmək və Əhalinin Sosial Müdafiəsi Nazirliyi tərəfindən 58 988 vətəndaşın müraciəti cavablandırılıb.

Bu barədə "Report"a Nazirlikdən məlumat verilib. 

Müraciətlərin 28 262-si məktub, ərizə ilə və e-qaydada, 27 378-i 142 “Çağrı mərkəzi” vasitəsilə, 1180-i iş telefonlarına, 2168-i isə sosial şəbəkələr (facebook, instagram səhifələri) ilə edilib.

Nazirliyin rəhbər vəzifəli şəxsləri və əməkdaşları tərəfindən fərdi qaydada qəbul edilən vətəndaşların sayı isə 7 266 nəfər olub. Onlardan 200 nəfəri (o cümlədən bölgələrdə qəbullar zamanı 85 nəfər) nazir tərəfindən qəbul edilib.

Vətəndaşların Nazirliyə etdikləri, həmçinin fərdi qəbullar zamanı müraciətlər bu və ya digər sosial təminat növünə hüququn müəyyən olunması, əmək hüquqları, tibbi-sosial ekspertiza və reabilitasiya, elektron xidmətlərdən istifadə, aktiv məşğulluq tədbirlərinə, o cümlədən özünüməşğulluq proqramına cəlb olunma və s. kimi aidiyyəti məsələlərlə bağlı olub.

Hər bir müraciətin qanunvericiliyin tələbləri əsasında cavablandırılması, sorğu xarakterli müraciətlərlə əlaqədar aydın şəkildə izahatlar verilməsi təmin edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Son xəbərlər



Orphus sistemi