Yuxarı

BMT-nin Əhali Fondunun müşaviri: "Azərbaycanda hamiləliklərin yarısı süni yolla dayandırılır"

Beşinci və daha sonrakı hamiləliklərdə bu faiz 80.4 faizə qədər qalxır

Bakı. 10 may. REPORT.AZ/ "Azərbaycanda hamiləliklərin təxminən yarısı süni yolla dayandırılır".

"Report" xəbər verir ki, bunu BMT-nin Əhali Fondunun Azərbaycandakı nümayəndəliyinin müşaviri Fərid Babayev deyib.

O bildirib ki, süni abortla dayandırılan hamiləliyin sayı qadının yaşı və hamiləliyin sayı artdıqca daha da yüksəlir: "34-35 yaş arası qadınlarda hamiləliklərin dörddə üçü süni şəkildə dayandırılır".
F.Babayev qeyd edib ki, Azərbaycanda süni abortlardan əsas etibarilə ailəli qadınlar ikinci doğuşdan sonra nəsilverməni tənzimləmək məqsədilə istifadə edirlər: "İlk hamiləliklərin yalnız 2 faizi süni abortla nəticələnir, lakin beşinci və daha sonrakı hamiləliklərdə bu faiz 80.4 faizə qədər qalxır".

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi