Yuxarı

Azərbaycanda mənzillərin özəlləşdirilməsi zamanı tələb olunan sənədlərin sayı artırılıb

Müraciət edən vətəndaşdan göstərilən sənədlərdən əlavə sənədlər tələb edilə bilməz

Bakı. 24 fevral. REPORT.AZ/ Azərbaycanda mənzillərin özəlləşdirilməsi zamanı tələb olunan sənədlər sırasına mənzil kirayəsi və ya müqaviləsi də əlavə edilib. "Report" xəbər verir ki, bununla bağlı Milli Məclisin bu gün keçirilən plenar iclasında "Azərbaycanda mənzil fondunun özəlləşdirilməsi haqqında" qanuna dəyişiklik edilib.

Belə ki, qanunun 8-ci maddəsinə təklif olunan dəyişikliyə görə, mənzilin özəlləşdirməsi zamanı mənzil sahəsinin orderi ilə yanaşı, ya mənzil kirayəsi müqaviləsi, ya da onun verilməsinə dair sərəncam tələb olunacaq. Onu da qeyd edək ki, mənzili özəlləşdirmək üçün müraciət edən vətəndaşdan göstərilən sənədlərdən əlavə sənədlər tələb edilə bilməz.

Xatırladaq ki, qanun mənzil kirayəsi müqavilələrinin hüquqlarının daşınmaz əmlakın dövlət reyestrində qeydiyyatı üçün əsas kimi müəyyən edilməsi məsələlərini nəzərdə tutur.

Qeyd edək ki, qanuna edilən dəyişiklik səsə qoyularaq qəbul edilib.

Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

Xəbər lenti

Bütün xəbərlər


Orphus sistemi