AZAL-a məktub yazan uşaq təyyarənin pilot kabinəsinə mindirilib - VİDEO

“Azərbaycan Hava Yolları” (AZAL) 9 yaşlı Muradın pilot olmaq arzusu ilə “ASAN məktub” layihəsinə göndərdiyi məktubuna cavab verib.

"Report" xəbər verir ki, məktubdan xəbər tutduqdan sonra AZAL Muradı Heydər Əliyev Beynəlxalq Aeroportunda görüşə dəvət edib.

AZAL-ın nümayəndələri ona aviaşirkətin işindən söz açıb. Muradın pilot ilə görüşü təmin edilib, təyyarənin pilot kabinəsinə aparılıb və ona təyyarənin necə idarə edildiyi göstərilib. 

Qeyd edək ki, 9 yaşlı Murad pilot olmaq arzusundan söz açdığı məktubu “ASAN məktub” layihəsinə göndərib. O, məktubda həmçinin məktəb ləvazimatlarına ehtiyacı olduğunu və oyuncaq kran maşını istədiyini qeyd edib.