Bakı. 2 sentyabr. REPORT.AZ/ Bu gün Slovakiyanın paytaxtı Bratislava şəhərində Avropa İttifaqına daxil olan 28 ölkənin xarici işlər nazirlərinin qeyri-rəsmi görüşü başlayacaq.
"Report" TASS-a istinadən xəbər verir ki, iki günlük iclas zamanı Aİ ölkələrinin XİN başçıları Türkiyə ilə münasibətlər, Ukraynadakı böhran kontekstində Rusiya ilə münasibətlər, Böyük Britaniyanın Aİ-yə üzvlükdən çıxışla bağlı iyunda keçirilən referendum kimi məsələləri müzakirə edəcək.
İclas çərçivəsində, həmçinin "Şərq tərəfdaşlığı" ölkələrinin (Azərbaycan, Ermənistan, Belarus, Gürcüstan, Moldova, Ukrayna) nümayəndə heyətləri ilə görüş planlaşdırılıb.