Aİ komissarı: "Azərbaycanla yeni saziş çərçivəsində bir çox məsələlərdə razılıq əldə olunub"

Bakı. 1 iyun. REPORT.AZ/ "Azərbaycan və Avropa İttifaqı yeni saziş üzrə danışıqları davam etdirir. Bir çox məsələlər üzrə razılıq əldə olunub".

"Report" xəbər verir ki, bunu Avropa İttifaqının büdcə və insan resursları üzrə komissarı Günter Ottinger deyib.

O qeyd edib ki, bu, kompleks danışıqlardır və hələ bir sıra razılaşdırılmamış məsələlər qalır.

G.Ottinger gələn ilin oktyabr ayında altı avrokomissarın mandatının başa çatacağını xatırladıb və sazişi o vaxta qədər tam hazırlamağa çalışacaqlarını vurğulayıb.