Ölkə ərazisində hava şəraiti yağıntılı olub, dağlıq yerlərə qar yağıb - FAKTİKİ HAVA

Saat 8:00-a olan məlumata əsasən ölkə ərazisində hava şəraiti arabir yağıntılı olub, dağlıq ərazilərə qar yağıb.

Bu barədə “Report”a ETSN yanında Milli Hidrometeorologiya Xidmətindən bildirilib.

Qar örtüyünün hündürlüyü Şahdağda 27 sm olub.

Yağıntının miqdarı Naxçıvanda 15 mm, Culfada 12 mm, Şahbuzda 11 mm, Biləsuvar, Ordubad, Cəfərxan, Qax, Yardımlı, Balakən, Zaqatala, Lerik, Oğuz, Şəmkir, Göygöl, Daşkəsən, Sabirabad, Gəncə, Şəki, Gədəbəy, Qrız, Mingəçevir, Beyləqan, İmişli, Qəbələ, Ceyrançöl, Tovuz, Ağdam, Ağstafa, Neftçala, Lənkəran, Astara, Şərurda 7 mm-dək, Bakıda və Abşeron yarımadasında isə 8 mm-dək olub.