Yanvarda Azərbaycanda gümüş istehsalı 7 dəfə artıb

Bakı. 19 fevral. REPORT.AZ/ Bu ilin yanvar ayında Azərbaycanda 393,1 kq qızıl istehsal edilib.

“Report”un Dövlət Statistika Komitəsinə istinadən verdiyi məlumata görə, bu, 2018-ci ilin yanvar ayının göstəriciləri ilə müqayisədə 47,2% azdır. Bu ilin fevralın 1-nə 282,8 kq hazır məhsul ehtiyatı yaranıb.

Bu ilin yanvar ayında ölkədə 627,5 kq gümüş istehsal edilib ki, bu da 2018-ci ilin ilk ayının göstəriciləri ilə müqayisədə 6,9 dəfə çoxdur. Bu ilin fevralın 1-nə 406,2 kq hazır məhsul ehtiyatı yaranıb.