“Petkim”ə yeni baş direktor müavini təyin olunub

Bakı. 19 mart. REPORT.AZ/ Əsas payı Azərbaycan Dövlət Neft Şirkətinə (SOCAR) məxsus olan “Petkim (Petrokimya) Holding”ə yeni baş direktor müavini təyin edilib.

“Report” xəbər verir ki, bu barədə Holding Türkiyənin İctimaiyyəti Məlumatlandırma Platformasında (Kamuyu Aydınlatma Platformu-KAP) məlumat yayıb.

Məlumata görə, Dinçər Akbaba “Petkim”in layihələr və texniki xidmət üzrə baş direktor müavini təyin olunub.

Qeyd edək ki, bundan öncə “Petkim”in layihələr və texniki xidmət üzrə müavini Bilal Quliyev olub. O, SOCAR-ın Türkiyədəki törəməsi “SOCAR Turkey Enerji A.Ş”də yeni vəzifəyə təyin edilib.