“Ford” elektromobil istehsalına rekord məbləğdə yatırım edəcək

ABŞ-ın aparıcı avtomobil istehsalçısı “Ford” şirkəti Cənubi Koreyanın “SK Innovation” şirkəti ilə birgə ABŞ-da elektromobillər üçün batareya istehsalı üçün zavodların, həmçinin elektrikli avtomobillər buraxılışı üzrə yeni meydançanın yaradılmasına 11,4 milyard ABŞ dolları yatıracaq.

“Report” xarici mətbuata istinadən xəbər verir ki, “Ford” özü 7 milyard ABŞ dolları yatırım edəcək ki, bu da ABŞ-ın avtomobil istehsalçıları arasında rekord həcmdə birdəfəlik investisiyadır.

Zavodlar F-seriyalı elektrikli pikaplar, həmçinin “Ford” və “Lincoln” markasında olan digər elektromobillər üçün batareyalar istehsal edəcək. Yeni nəsil elktromobillərin istehsalına 2025-ci ildə başlamaq planlaşdırılır.