Bu il Azərbaycanda qızıl istehsalı 16 %-dək azalıb

Bu ilin yanvar-aprel aylarında Azərbaycanda 715,8 kq qızıl, 1 min 393,2 kq gümüş istehsal edilib.

“Report”un Dövlət Statistika Komitəsinə istinadən verdiyi xəbərə görə, qızıl istehsalı 2022-ci ilin eyni dövrü ilə müqayisədə 15,8 %, gümüş istehsalı isə 29,5 % azalıb.

Hesabat dövründə Azərbaycanda mis konsentratının istehsalı 1 min 115,9 ton olub ki, bu da 2022-ci ilin yanvar-aprel ayları ilə müqayisədə 44,5 % çoxdur.

Bu ilin mayın 1-nə ölkədə 97,6 kq qızıl, 64,8 kq gümüş, 412,4 ton mis konsentratı ehtiyatı yaranıb.