Yuxarı
    Bağlamaq

    “AzerGold” ikinci partiya qızıl-gümüş satışından 21 mln. dollar qazanıb

    Şirkət 72 ədəd qızıl-gümüş tərkibli xəlitəni saflaşdırılması və satılması məqsədi ilə İsveçrənin “Argor-Heraeus” şirkətinə göndərib

    Bakı. 29 iyun. REPORT.AZ/ “AzerGold” QSC “Çovdar” filiz emalı sahəsində istehsal edilmiş 72 ədəd qızıl-gümüş tərkibli xəlitəni saflaşdırılması və satılması məqsədi ilə İsveçrənin “Argor-Heraeus” şirkətinə göndərib.

    Şirkətdən “Report”a verilən məlumata görə, saflaşdırılan qızıl və gümüş beynəlxalq birjada satılaraq dövlət şirkətinə milyonlarla gəlir qazandırıb.

    İxrac olunan xəlitələrin ümumi çəkisi 1283 kiloqramdır ki, bunun 16,3 min unsiyasını qızıl, 22,2 min unsiyasını gümüş təşkil edir. Qeyd olunan miqdarda qiymətli metalın satışından 20,905 mln. dollar (35,6 mln. manat) gəlir götürülüb.

    Qeyd edək ki, “AzerGold” QSC ilk qızıl və gümüş ixracını may ayında 66 ədəd xəlitə ilə həyata keçirib. Cəmiyyət birinci partiyada 16 min unsiya qızıl və 24 min unsiya gümüşü sataraq 20,118 mln. ABŞ dolları (34, 200 mln. manat) miqdarında vəsait əldə etmişdi.

    Daşkəsən rayonunun “Çovdar” filiz mədənində ixrac üçün hasil olunacaq qızıl və gümüş xəlitələrin miqdarının 2017-ci ilin sonunadək 160 min unsiyaya (70 min unsiya qızıl, 90 min unsiya gümüş) çatdırılması planlaşdırılır ki, bu da qiymətli metalların cari qiymətlərini nəzərə alsaq 85 mln. ABŞ dolları (təqribən 145 mln. manat) təşkil edir.

    Mətndə orfoqrafik səhv aşkar etdinizsə, səhv olan hissəni qeyd edib Ctrl + Enter düymələrini sıxın.

    Xəbər lenti

    Ən azı bir bölmə seçilməlidir

    Bütün xəbərlər


    Orphus sistemi