Bu ilin yanvar-may aylarında Azərbaycanda tikinti materiallarının istehsalı sahəsində fəaliyyət göstərən müəssisələr tərəfindən istehsal edilmiş məhsulun ümumi dəyəri 5% artaraq 325,5 milyon manat təşkil edib.
“Report”un
Bu ilin yanvar-may aylarında ölkədə 113,6 min ton asfalt istehsal edilib ki, bu da ötən ilin yanvar-may ayları ilə müqayisədə 1,8 dəfə çoxdur. Bu ilin yanvar-may aylarında tikinti kərpicinin istehsalı 62,5% artaraq 168,7 min kubmetr təşkil edib.
Tikinti gipsinin istehsalı 84,2% azalaraq 2,4 min ton olub. Yanvar-may aylarında tikinti əhənginin istehsalı 38,2% artaraq 16,4 min ton təşkil edib.
Yanvar-may ayları ərzində sementdən, süni daşdan və ya betondan tikinti blokları və kərpiclərinin istehsalı 53,3 min ton olaraq, ötən ilin yanvar-may ayları ilə müqayisədə 23,6% artıb. Betondan yığma tikinti konstruksiyalarının istehsalı 53% azalaraq 17,1 min kubmetr təşkil edib.
Ötən beş ay ərzində ölkədə emal edilmiş mərmər, travertin, alebastr və onlardan məmulatların istehsalı 65,4% artaraq 12 820,4 ton təşkil edib. Bu müddət ərzində ölkədə hörmə üçün hazır beton qarışığının istehsalı da 24,4% artaraq 636,4 min ton təşkil edib.