Azərbaycanda qida duzu istehsalı 4 % azalıb

Bu ilin yanvar-iyun aylarında Azərbaycanda 39,9 ton qida duzu istehsal edilib.

“Report” Dövlət Statistika Komitəsinə istinadən xəbər verir ki, bu, 2024-cü ilin eyni dövrü ilə müqayisədə 4,1 % azdır.

İyulun 1-nə ölkədə 1,9 ton hazır məhsul ehtiyatı olub ki, bu da 1 il əvvələ nisbətən 13,6 % azdır.

Xatırladaq ki, 6 ayda Azərbaycanda 2 milyard 628,5 milyon manatlıq qida məhsulları istehsal edilib ki, bu da, illik müqayisədə 12 % çoxdur.