Azərbaycanda metal məmulatlarının istehsalı 25 % azalıb

Bu ilin yanvar-oktyabr aylarında Azərbaycanda metallurgiya sənayesi və hazır metal məmulatlarının istehsalı sahələrində 913,1 milyon manatlıq məhsul istehsal olunub.

"Report" Dövlət Statistika Komitəsinə istinadən xəbər verir ki, metallurgiya sənayesi məhsullarının istehsalında 25,4 %, hazır metal məmulatlarının istehsalı sahəsində isə 23 % azalma müşahidə olunub.

Hesabat dövründə Azərbaycanda polad boruların istehsalı 2,5 dəfə artıb, hazır metal məmulatlarının istehsalı sahəsi üzrə metaldan sair məmulatların istehsalı 37,6 % artıb, metallurgiya sənayesi üzrə polad tökmə istehsalı 17,9 %, armatur istehsalı isə 26,4 % azalıb.